كيك الجزر بالشيكولاتة
السلام عليكم
النهارده كيكه الجزر بالشيكولاته حلوة و مغذيه جدا للولاد في الجو ده
المقادير :
2 كوب دقيق / 1 كوب جزر مبشوو / 1 و ربع كوب سكر / 2 بيضه / 1/2 كوب زيت / 3/4 كوب لبن / 1 م كبيره بيكنج بودر / 2 م كبيره كاكاو /فانيللا
الطريقه:
1- نضرب الزيت و البيض و الفانيلا و السكر سوا .
2- ننخل الدقيق و البيكنج بودر.
3- نضيف الدقيق و اللبن بالتناوب يعني شويه دقيق و شويه لبن.
4- نضيف الكاكاو و الجزر و نقلب كويس.
5- نصب الخليط بتاع الكيك في القالب المدهون سمنه و متبطن بالدقيق|.
6- نكون مسخنين الفرن كويس و نحطها في الرف الوسطاني لمده 35 الي 45 دقيق حسب الفرن.
7- نقدمها مع شاي و نزينها بصوص الشيكولاته لو حبيتوا .
يا رب تكون عجبتكم