تورتة عيد ميلاد

تورتة عيد ميلادي

 

  السلام عليكم

ازيكم يا قمرات

دي طريقه كيكه عيد ميلادي معلش اتأخرت عليكم شويه

المقادير:

  5 بيض / كوبايه و ربع دقيق / 1 م ص بيكنج بودر / فانيليا / كوبايه الا ربع سكر

الطريقه:

1-       ان شاء الله حأنزلها بالتفصيل بس دلوقتي نقولها حتضربي البيض و السكر متواصل لمده مش تقل عن 10 دقايق و فانليا طبعا.

2-       حتنخلي الدقيق و البيكنج بودر مرتين .

3-       حتضيفي الدقيق شويه شويه و كل ما تحطي شويه تقلبي بالمعلقه البلاستيك بخفه من تحت لفوق و اما تتأكدي انه الدقيق كله اختفي حتحطي تاني و هكذا لحد ما يخلص الدقيق.

4-       تكوني مسخنة الفرن تحطي الصينيه و مش تخلي النار عاليه و لا تقفلي الفرن بسرعه و لو فرنك بيحرق الحاجة حطي تحت الصينييه علي شبكة تانيه صينيه فيها شويه ميه .

5-       لو فرنك زي كريازي و مش عندك غير شبكة واحده هاتي الصاجة اللي بتتحط تحت الشبكة دي و حطي عليها الميه.

6-       مش تفتحي الفرن الا بعد 20 دقيقه زي ما انتوا عارفين و في فرن بيسويها في نص ساعه و في فرن بيأخد 45 دقيقه.

7-       لما تستوي اطفي الفرن و واربي الباب بتاعه و سيبيها 5 دقايق كده عشان لو طلعتي بيها علي طول ممكن تهبط.

8-       سيبيها ترتاح شويه.

9-       أنا بقه عملت الأتي :

 

   أولا أنا مش جبت أي حاجة من بره عشان مكنشي فيه فرصه أنزل أساسا خبزت الكيكه و طلعت الحاجات اللي في درج الحلويات عندي هههههههه لقيت جوز هند و سوداني مفروم و أيس كريم مانجا و أيس كريم شيكولاته و شويه كريم شانتيه يعملوا كوبايه و شيكولاته خام أنا بجيب كورونا روووووووعه.

 

المهم قلت عندي مانجا متخزنة أقطع حتت و أحطها مع الموز و أحشي بيها جوة الكيكه عملت كيس الأيس كريم و حشيت بيه الكيكه و عليه موز و مانجا و حطيتها في التلاجة و بعد كده كنت غليت لبن و شيلت وشه روحت سيحت شيكولاته في حمام ميه و حطيت عليها زبده و وش اللبن ههههههههه و شويه لبن لحد ما عملت صوص متماسك كده جبت ورق زبده غطيت بيه نص الكيكه اللي حتكون أبيض و صبيت علي النص التاني الشيكولاته و لما جمدت شيلت الورق براحه كده أصبح نص أبيض و نص شيكولاته هههههههههه و بعد ما جمد الشيكولاته بقيت مش عارفه أزين ايه رشيت سوداني و جوز هند و لقيت كيس فيه 5 حبات كرز قطعنهم ههههههههههه و حطيتهم أهو قلت يعملوا لون برضه و فردت الكريمه علي النص الأبيض و عملت الفاصل الي بينهم و قطعت موزة دي واحده علي فكرة اللي علي الوش موزة واحده يعني و رصيتها أخر حاجة و اديتها وش تلميع و طبعا فضل الجناااااااااااب روحت ضربت كيس أيس كريم شيكولاته و عملت بيه وردات و الباقي حطيته في الفريزر أيس كريم هههههههههه و بس كده أنا مش جيبتلها حاجة مخصوص كل من الحاجات اللي بجيبها كل شهر في البيت شوفتي النصاحة هههههههههه
 

 

ان شاء الله تكون عجبتكم