بيكاتا اللحم

السلام عليكم و رحمة الله وبركاته

دي طريقتي في البيكاتا يا قمرات ان شاء الله تنال اعجابكوا
 
 المقادير
 
قطع اللحم استيك متبلة بالملح والفلفل الاسود/مشروم / كريمة طهي / كوبايه صوص ديمي جلاس/بصله صغيره جدا/دقيق مخلوط بالملح و الفلفل و القرفه
 
الطريقه
 
اول حاجة بعد ماتبلنا اللحمة بالملح والفلفل الاسود هانحطها في الدقيق ونشيلها وننفضها منه كويس علشان لما تتحمر الدقيق مايتكتلش
 
وبعدين نحمرها في طاسة فيها معلقة سمن
 
اول ماتاخد وش تحمير بسيط كدة هانشيلها من السمن وهاتكون لسة نص سوا وهانحط مكانها البصلة بعد مانفرمها رفيع اوي طبعا نشوحها في السمن وبعدين عليها الماشروم
 
ونقلب وبعدين نرجع عليها قطع اللحم تاني وعليها صوص الديمي جلاس
.
هانسيبها بقي كدة ونوطي النار عليها لغاية مانتأكد
 
ن اللحمة استوت تماما واول ما تستوي هانحط عليها شوية كريمة بسيط علشان اللون بس يبقي كدة
bek
انا قدمتها مع ارز ابيض وبطاطس محمرة وسلطة خضراء
ودة كان الشكل النهائي