أكلة حلوة

Switch to desktop Register Login

عيش كيزر ( صمون )

  • كتب بواسطة: بسمة أحمد

خبز الكيزر ( الصمون )

السلام عليكم يا قمرات

عملت امبارح مقدار كوبايتين عيش كيزر بس طلع حلو عشان زياد يأخد معاه الحضانه اللي كل يوم بيعيط فيها هههههههههه ...أنا عملت نص المقدار المكتوب.

المقادير:

4 كوبايات دقيق ( معيارنا بتاع كوبايه الجبنة) / م ص مليانه خميرة / ½ م ص محسن خبز / حته زبده متوسطة قد م ك / م ص سكر مليانة / ملح./ لبن دافي للعجن .

الطريقه:

1-     حنقلب المكونات الجافه .

2-     نصب اللبن شويه شويه و نبدأ نعجن لمده مش تقل عن 10 دقاايق.

3-     نغطيها بورقه نايلون و بعد كده فوطه و نسيبها تخمر ساعه .

4-     نقطعها حتت و نكورها و نرصها في الصينيه الخبز.

5-     نسيبها تخمر تاني ساعه.

6-     ندهن الوش بالبيض و نرش سمسم .... فيه كام واحده رشتها سكر عشان الألاود بيحبوا ساندويتشات النوتيلا.

7-    نخبزها في فرن متوسط الحرارة لحد ما تأخد اللون و يا ريت تحطي حاجة فيها ميه تحت شبكة الخبز عشان تعمل بخار في الفرن تساعد علي انه ينفش.

8-    لماا يطلع غطيه شويه بنايلون و فوطة 5 دقايق و اتفضلي كليه.

يا رب يكون عجبكم

bu1

bu2

bu3

bu4

bu5

bu6

 

 

 

 

 


 


 

جميع حقوق الطبع و النسخ محفوظة لموقع أكلة حلوة 2013 ©

Top Desktop version