أكلة حلوة

Switch to desktop Register Login

كاسات موس الفراوله

  • كتب بواسطة: بسمة أحمد

كاسات موس الفراوله بالكيك و الجيلي

السلام عليم يا قمرات

معانا النهارده كاسات الموس و الجلي بس حلوة و خفيفه جدا

المقادير:

كيك لتبطين القوالب / جيلي فراوله / 400 جرام فراوله / 1 كوب كريم شانتيه / 1 م ك جيلاتين بودر / 2 م ك سكر / كريمة لتزين الوش

الطريقه:

1-     نحضر القوالب أو لو كان قالب و نبطنه بالكيك أي نوع سواء كان جاهز أو كيكه اسفنجيه .

2-     نحط الفراوله و السكر علي النار و نهرسها لحد ما تكون بيريه .

3-     نحضر الكريم شانتيه و نسيبه علي جنب .

4-     لما تغلي الفراوله و تصبح سميكة نوعا ما نطفي النار.

5-     نضيف الجيلاتين و نقلبه كويس.

6-     نسيبها ترتاح شويه و بعد كده نضيف الكريم شانتيه.

7-     نصبها في القوالب زي الصورة .

8-     ندخلها التلاجة لحد ما تجمد .

9-     نحضر الجيلي زي ما هو مكتوب علي العلبه .

10-   نصبه علي الموس و ندخله التلاجة تاني.

11-  نجمل وشه بالكريمة ساعه التقديم.

يا رب يكون عجبكم

 

moo1

 

moo2

 

moo3

 

moo4

 

moos5

 

moo6

 

moo7

 

moo8

جميع حقوق الطبع و النسخ محفوظة لموقع أكلة حلوة 2013 ©

Top Desktop version