أكلة حلوة - حلوة الأكلة

السلام عليكم

أكلة حلوة
حلوة الأكلة

قسم يقدم وصفات لأكلات و أطباق مخصوصة يحبها و يطلبها الكبار و الصغار

الفرق بين الكوكيز و البسكويت

السلام عليكم

موضوعنا اليوم موضوع رائع و يحتوي علي معلومات شيقة :)
ما هو الفرق بين الكوكيز و البسكويت ؟

الكوكيز :
يعود اصل كلمة الكوكيز الي صانعي الحلويات في الدانمارك حتي كانوا يستخدمون قليل من خليط الكيك لخبزه للتأكد من درجة حرارة الفرن هل مناسبة للخبز أم لأ و من هنا أصبحت هذه الكعكات أو ما يسمي "koekje" او كعكات صغيرة فيما بعد منتشرة بوصفات مختلفة .

تختلف عجينة الكوكيز عن عجينة البسكويت من حيث الكثافة و الاحتواء علي الزبدة و السكر .. حيث محتواها من هذين المكونين أعلي بكثير من خليط البسكويت .. الكوكيز يضم اضافة حبيبات الشيكولاته أو تشكوليت تشيبس .. المكسرات أو الزبيب أو الشوفان.

تحتلف ايضا بأن عجينتها قبل الخبز طرية و لينة و في الاغلب نستخدم معلقة الايس كريم في تشكيلها .. الكوكيز يمكنك الاستمتاع بتناولها مع الايس كريم أو كوب من الحليب و تعتبر السناك المفضل عند الاطفال و الكبار .

الكوكيز ( تعتبر كلمة منتشرة و متداولة جدا في امريكا ) تحتوي علي سكر و دقيق و زبدة و بيض وبعد الخبز قوامها طري من الداخل مع قليل من القرمشة من الخارج
و بالطبع دائما الكوكيز ذو طعم حلو بعكس البسكويت الذي يتوفر منه الحلو و المالح.

البسكويت :
كلمة تطلق في السابق علي منتج بمعني bis twice اي خبزت مرتين .. هي خليط يحتوي علي قليل من السكر مقارنة بالكوكيز و تكون مقرمشة و نوعا ما حبيباته عند التشكيل رقيقة .
مكونات البسكويت دايما هي الدقيق و الزبدة و السكر .. قد لا يحتوي علي البيض بالضرورة و لكن عند اضافة بعض النكهات مثل الملح و الروز ماري او بعض الاعشاب يتغير المسمي و يصبح كراكز او بسكويت مالح يقدم بجانب الاجبان المتنوعة .

عجينة البسكويت قبل الخبز تكون قاسية نوعا ما بحيث يسهل فردها و تشكيلها بالقوالب و بعد الخبز تصبح مقرمشة و شهية .. البسكويت يناسب متبعي الحمية الغذائية أو مرضي السكر بعكس الكوكيز طبعا .

في بريطانيا يختلف مصطلح البسكويت عن امريكا :)
في بريطانيا يطلق كلمة بسكويت علي السكونز ... نتحدث عنه في موضوع لاحق

منيو رمضان 2013

السلام عليكم يا حلوين و كل سنه و انتن بخير و كل رمضان و انتن الي الله أقرب .... ده منيو متقسم

لحمه و دجاج و سمك و فيه في الاخر ليست فيها 10 اكلات شعبيه

سمك بلطي بالصلصه \ رز ابيض \ سلطه \ بطيخ
سمك بوري سنجاري \ رز صياديه \ سلطه طحينه \ سلطه فواكه
سمك فيليه بالكريمه \ ارز ابيض \ سلطه خضراء \ تشيز كيك علي البارد
طاجن سبيط \ ارز ابيض \ بابا غنوج \ كنافه بالكاسترد
سمك بلطي مقلي \ ارز صياديه \ سلطات خضراء و طحينه \ كريم كرامل
كفته سمك \ ارز ابيض \ جراتان بطاطس \ بسبوسه
سمك بلطي مقلي \ رز صياديه \ سلطه خضراء \ حلي سريع
كفته جمبري \ ارز ابيض \ بطاطس محمره \ سلطه \ جيلي و كسترد

فراخ تندوري \ مكرونة \ سلطه خضراء \ كنافه بالكريمه
مكرونة نجرسكو \ كول سلو \ بطاطس بزريه \ جلاش بالبودنج
تترازيني بالفراخ و البروكلي \ شوربه كريمه فراخ \ سمبوسك \ كنافه بالخوخ
ناجنس \ مكرونة \ خضار سوتيه \ كيكه الاناناس
كفته فراخ \ بالصلصه \ ارز ابيض \ سلطه ذره \ حلو الموز
فراخ بالبروكلي و البشامل \مكرونة \ سمبوسك \ لقمه القاضي
فته شاورما \ ارز \ سلطه زبادي \ كاسات موس الفراوله
فراخ مشويه \ رز بالشعريه \ بسله و جزر \ قطايف
صينيه فراخ بالبطاطس \ ارز \ كنافه بالايس كريم
دبابيس باربيكيو \ مكرونة \ خضار سوتيه \ كنافه بالمانج

- كباب حله \ مكرونة \ بوسطن باي كيك
كفته رز بالبطاطس \ رز بالشعريه \ مهلبيه قمر الدين.
طاجن رز معمر باللحمه \ ملوخيه \ قطايف بالكريمه
روتيني بصوص المشروم \ بطاطس بيريه \ سويسرول
لحمه ستيك \ محشي ورق عنب \ سلطه زبادي بالخيار \ بنافيه الموز
اوزي سوري \ سلطه زبادي \ شوربه مشروم \ كنافه تشيز
مقلوبه \ زبادي \ بروفترول
لحمه محمره \ محشي كرنب \ سلطه زبادي \ تورته ايس كريم
كنالوني \ جلاش \ كول سلو \ كريب حلو
ورقه لحمه بالخضار \ ارز \ سلطه زبادي \ فاكهة

فاضل يومين يا يكونوا عزومات يا يكونوا من المنيو ده

طاجن فول بالبشامل
مسقعه
شكشوكه
عجه خضراوات
جبنه قريش بالبطاطس و البقدونس
بيتزا
جلاش ب حشو البيتزا
ممبار
كشري
بصاره

اسرار زيت الزيتون

زيت الزيتون

قال تعالى‏:‏ ‏ «‏يوقد من شجرة مباركة زيتونة لا شرقية ولا غربية يكاد زيتها يضيء ولو لم تمسسه نار‏» ‏ ‏ «‏النور‏:‏35‏» ‏‏.‏ وفي الترمذي وابن ماجه

من حديث أبي هريرة رضي الله عنه، عن النبي ـ صلى الله عليه وسلم ـ أنه قال‏:‏ ‏ «‏كلوا الزيت وادهنوا به، فإنه من شجرة مباركة‏» ‏‏.‏
وللبيهقي، وابن ماجه أيضًا عن ابن عمر رضي الله عنه، قال‏:‏ قال رسول الله ـ صلى الله عليه وسلم ـ ‏ «‏ائتدموا بالزيت، وادهنوا به، فإنه من شجرة مباركة‏» ‏‏.‏
الزيت حار رطب في الأولى، وغلط من قال يابس، والزيت بحسب زيتونه، فالمعتصر من النضيج أعدله وأجوده، ومن الفج فيه برودة ويبوسة، ومن الزيتون الأحمر

متوسط بين الزيتين، ومن الأسود يسخن ويرطب باعتدال، وينفع من السموم، ويطلق البطن، ويخرج الدود، والعتيق منه أشد تسخينًا وتحليلًا، وما استخرج منه بالماء،

فهو أقل حرارة، وألطف وأبلغ في النفع، وجميع أصنافه ملينة للبشرة، وتبطئ الشيب‏.‏
وماء الزيتون المالح يمنع من تنفط حرق النار، ويشد اللثة، وورقه ينفع من الحمرة، والنملة، والقروح الوسخة، والشرى، ويمنع العرق، ومنافعه أضعاف ما ذكرنا‏.‏

يساعد زيت الزيتون على تقليل مخاطر أمراض القلب مثل coronary heart disease وذلك لوجود نسبة عالية من حمض الأوليك. -ينظم الكوليسترول في الجسم

يكافح الجلطات والنوبات القلبية, خاصة إذا كان الزيت بكرا وبجودة عالية (أي يحتوي على نسبة عالية من ال polyphenols) -يطري الجلد عند دهنه عليه ويقوي الشعر. - وغيرها من الفوائد

ملاحظة:

كلما كان الزيت طازجا أكثر كان أفضل, أي أفضل من الزيت القديم في الطعم وحتى في الفائدة. .....القيمة الغذائية والصحية.....

لثمار الزيتون قيمة غذائية مرتفعة، فهى غنية بالمواد الكربوهيـدراتية 19%، البروتيـن 1.6 %، الإملاح المعدنية 1.5%، السليولوز 5.8%، الفيتامينات المختلفة

بالإضافة إلى محتواها العالى من الزيت 15-20 % ولزيت الزيتون المستخلص بالطرق الطبيعية فوائد صحية وغذائية جمة لتركيبه الكيماوى المتميز عن الزيوت النباتية الأخرى

قالوا عن زيت الزيتون

قال ابن عباس رضي الله عنه:
" في الزيتون منافع ، يسرج الزيت ، وهو إدام ودهان ، ودباغ ووقود يوقد بحطبه وتفله ، وليس في شيء إلا فيه منفعة ، حتى الرماد يغسل به الإبريسم وهي أ ول شجرة نبتت في الدنيا، وأول شجرة نبتت بعد الطوفان، ونبتت في منازل الأنبياء والأرض المقدسة، ودعا لها سبعون نبياً بالبركة منهم إبراهيم ومنهم محمد صلى الله عليه وسلم فإنه قال : " اللهم بارك في الزيت والزيتون ".

قال داوود :

" الزيتون من الأشجار الجلية القدر، العظيمة النفع، تغرس من تشرين (أكتوبر) إلى كانون (ديسمبر)، فتبقى أربع سنين ثم يثمر فيدوم ألف عام .

قال ابن سينا في كتابه (القانون في الطب) :

"الزيتون شجرة عظيمة توجد في بعض البلاد وقد يعتصر من الزيتون الفج الزيت، وقد يعتصر من الزيتون المدرك، وزيت الإنفاق هو الزيت المعتصر من الفج ، والزيت قد يكون من الزيتون البستاني وقد يكون من الزيتون البري".

زيت الزيتون والطب الحديث

أجرى الدكتور " ويليامز " من جامعة ستانفورد الأمريكية دراسة على 76 شخصا غير مصاب بأية أمراض قلبية لمعرفة تأثير زيت الزيتون على ضغط الدم . فوجد الباحثون أن ضغط الدم قد انخفض بشكل واضح عند الذين تناولوا زيت الزيتون في غذائهم اليومي . وكان انخفاض ضغط الدم أشد وضوحا عند الذين تناولوا 40 جراما من زيت الزيتون يوميا .

أشارت الأبحاث المختلفة في مجال علاقة الغذاء المستهلك للشعوب وأمراض القلب ان غذاء 'حوض البحر المتوسط' له علاقة وطيدة بالحد من ارتفاع الكولسترول ومن الإصابة بأمراض القلب وأرجع الباحثون هذه المعلومة أو النتائج الإيجابية إلى ارتفاع استهلاك زيت الزيتون في غذاء هذه البقعة من العالم. ولقد اجتمع العديد من الباحثين في هذا المجال وبدأوا في مناقشة (زيت الزيتون وغذاء حوض البحر المتوسط والأمراض المرتبطة بهما). ولقد كان من أهم الاستنتاجات في هذا الموضوع ما يلي:

أولاً: زيت الزيتون والكولسترول:

ارتبط 'زيت الزيتون' بالحد من الإصابة بارتفاع الكولسترول حيث لوحظ على الشعوب التي تستهلك كميات جيدة من زيت الزيتون ان نسبة الكولسترول السيء (الضار) أو ما يعرف ب (LDL) منخفض في الدم وبالتالي أدى ذلك إلى الحد من تصلب الشرايين والذي بدوره له علاقة كبيرة في الحد من أمراض القلب والجلطة.

ثانياً: زيت الزيتون وضغط الدم:

يعتبر مرض ارتفاع ضغط الدم من العوامل الأساسية لحدوث أمراض القلب والجلطات حيث ان ارتفاع الضغط سواء الانبساطي أو الانقباض (البسيط أو المقام) له تأثير سلبي على الإصابة بالأمراض المختلفة. ولقد لوحظ ان هناك علاقة مباشرة بين خفض ضغط الدم واستهلاك كميات مناسبة من زيت الزيتون ودل على ذلك أحد البحوث التي أجريت على عدد من المرضى المصابين بارتفاع ضغط الدم ويتبادلون أدوية لتخفيفه. حيث قسم المرضى إلى قسمين الأول منهم عمل لهم برنامج غذائي غني بزيت الزيتون (نخب ممتاز) أو ما يعرف بالبكر. والنصف الآخر وضع على برنامج غذائي غني بزيت دوار الشمس وبعد فترة زمنية زادت عن 4أشهر. اشارت النتائج إلى انخفاض في المجموعة التي استهلكت زيت الزيتون وقد استطاع المرضى في هذه المجموعة خفض جرعات الأدوية الخاصة بضغط الدم.

ثالثاً: زيت الزيتون والسرطان:

تشير الدراسات ان هناك انخفاضاً في معدل الوفيات الناتجة من الإصابة بالسرطان في مناطق حوض البحر الأبيض المتوسط وتوضح هذه الدراسات ان غذاء سكان هذه المناطق يشمل على نسبة جيدة من زيت الزيتون كمصدر للدهون في غذائهم ولا ننسى تأثير استهلاك الخضار والفواكه، وخصوصاً الإصابة بسرطان الثدي والمعدة، وتوضح هذه الحقائق أن زيت الزيتون يحتوى على نسبة جيدة من فيتامين (ه) والذي يعرف بمضاد الاكسدة وبالتالي يقوم بتغليف وربط المواد المؤكسدة وتخليص الجسم منها. ولوحظ ان استهلاك (ملعقة زيت زيتون) يومياً يمكن ان تنقص من خطر سرطان الثدي بنسبة أكثر من 40%.

رابعاً: زيت الزيتون والحد من سرطان الجلد:

ينتشر وبشكل كبير سرطان الجلد في العديد من دول العالم وخصوصاً ذوي البشرة البيضاء والذين يتعرضون بشكل كبير للشمس ولفترات طويلة وخصوصاً بعد السباحة. ولقد قام أحد الباحثين بدراسة الادهان بزيت الزيتون على الجلد (جميع الجسم) بعد السباحة له تأثير مباشر في المساعدة في الحد من الإصابة بسرطان الثدي.كل هذه الحقائق والدراسات التي تربط استهلاك 'زيت الزيتون' والحد من المشاكل الصحية ليست غريبة علينا كمسلمين حيث ان هذا الزيت ينتج من شجرة مباركة وصفها الله سبحانه وتعالى في محكم الكتاب حيث شبهها الله سبحانه وتعالى بالنور حيث قال: {يوقد من شجرة مباركة زيتونة لا شرقية ولا غربية} كما ان هذه الأسرار الكامنة في هذا الزيت المبارك الذي امتدحه رسول الهدى عليه أفضل الصلاة والسلام حيث قال: (كلوا الزيت وادهنوا به فانه من شجرة مباركة).لذلك فان عملية استهلاك هذا المنتج المبارك يوصي به من قبل شرعنا الكريم وكذلك من نتائجه العالية والله الشافي.

ادركت الأبحاث العلمية الطبية فوائده حيث تشير النتائج الى ان زيت الزيتون يقي بإذن الله من مرض العصر 'مرض القلب'!!.ولقد كان احدى التوصيات في بعض التجمعات العالمية ان غذاء مجتمعات دول حوض البحر الابيض المتوسط يعتبر أحد أهم العوامل المؤثرة في انخفاض حدوث أمراض القلب والشرايين مقارنة بالدول الأخرى مثل أوروبا والولايات المتحدة الأمريكية.ويرجع الباحثون ذلك إلى زيادة استهلاك 'زيت الزيتون' لديهم. واستهلاك هذا الزيت بدلاً من السمن والزبدة والدهون الأخرى. وفي نظري ان هذا السبب وهو الفائدة الصحية لزيت الزيتون ان هذا الزيت الناتج من الشجرة المباركة كما قال تعالى: {يوقد من شجرة مباركة زيتونة لا شرقية ولا غربية} يحتوي على احماض دهنية متميزة تعرف باسم الاحماض الدهنية أحادية عديمة التشبع Mono Unsaturated حيث يعمل هذه الأحماض الفريدة على الحد من ارتفاع معدل الكوليسترول في الدم. كما ان هذا الزيت المبارك يحتوي على فيتامينات خاصة تعرف بمضادات الأكسدة وكذلك بعض المركبات مثل البولي فينول كل هذه المركبات والتي ترتفع نسبتها في زيت الزيتون تحد من الاصابة بارتفاع الكوليسترول أي بمعنى آخر تحد من تصلب الشرايين وبالتالي تحد من أمراض القلب، ولكن يجب ان يكون هذا الزيت مستخلصاً بطريقة معينة وبأسلوب يعطي زيت يسمى 'زيت الزيتون البكر' وهو ممتاز وناتج من العصرة الأولى Virgin Oil Extr.

فوائد زيت الزيتون

1. محتواه العالى من الحامض الدهنى الأحادى عدم الإشباع (حامض الأوليك) الذي له فوائد عظيمة في الطب الوقائى.

2. تركيبة المتوازن من الأحماض الدهنية العديدة عدم الإشباع (مثل لبن الأم).

3. محتواه من مضادات الأكسدة لحماية الأحماض الدهنية الغير مشبعة من الأكسدة الذاتية.

4. محتواه من الفتيامينات المختلفة خصوصا فيتامينE & A.

5. محتواه من البيتاستيرول الذي يحول دون الأمتصاص المعوى للكوليس ترول.

6. محتواه من السيكلوار ثنول الذي ينشط الإفراز البرازى للكوليسترول من خلال زيادة إفراز العصارة الصفراوية

منيو شهر مارس

1- مقلوبه لحمه \ سلطه زبادي بالخيار

2- فته لحمه \ شوربه لسان عصفور

3- سمك بوري زيت و ليمون \ رز أبيض \ سلطه خضرا و طحينه

4- عجه خضراوات \ بطاطس بالبقدونس \ بابا غنوج

5- محشي ورق عنب \ شيش طاووق \ ثوميه

6- مكرونة بشامل \ سلطه بنجر

7- مكرونة \ بانيه مشوي \ بطاطس محمره

8- طاجن فول بالبشامل\ جلاش بحشو البيتزا\بطاطس بالثوم

9- كفته رز بالبطاطس \ رز ابيض بالشعريه

10- رنجه \ بطاطس محمره \

11- صينيه بطاطس باللحمه \ رز بالشعريه \ شوربه لسان عصفور.

12- محشي كرنب \ بفتيك \ سلطه بنجر

13- جمبري زبده و توم \ رز ابيض \ بطاطس محمره

14- فراخ مشويه \ رز \ ملوخيه

15-مكرونة \ كبده اسكندراني \ سلطه طحينه

16- شوربه عدس \ خبز بالتوم \ بطاطس ودجز

17-رز تكا \ دجاج تكا \ توميه \ حبز بوري

18- مكرونة \ بطاطس بيريه \ كباب حله

19- سمك بلطي بالصلصه \ رز ابيض \ بتنجان بالصلصه

20- ساندوتشات برجر \ كول سلو \ بطاطس محمره

21- شاورما فراخ \ خبز الصاج \ توميه \ كول سلو

22- ستيك اللحم بصوص كنور و البروكلي \ مكرونة \ بطاطس بيريه

23-سجق بالخلطه \ مكرونة \ سلطه

24-باستا بالهوت دوج \ بطاطس محمره \ سلطه بنجر

25-دبابيس فراخ بالبصل و الجزر \ رز ابيض بالشعريه \ سلطه زبادي بالخيار

26- فراخ محشيه و محمره \ مكرونة \ شوربه لسان عصفور

27- كشري اصفر \ سلطه خضرا \ مخلل بتنجان

28-رز بشوربه الجمبري \ سمك فيليه مقلي \ سلطه خضرا

29-روتيني بصوص المشروم \ شوربه كريمه المشروم \ سلطه

30-سمك سلمون بالكريمه \ رز \ شوربه سي فوود

منيو رمضان

السلام عليكم يا قمرات كل سنة و انتوا طيبين و ان شاء الله يكون شهر رمضان السنة دي خير و يتقبل الله منكم صالح الأعمال ... ده منيو أكلات لشهر رمضان بسيط و ممكن تضيفوا طبعا من عندكم أكلات تانيه يا رب يعجبكم .

منيو رمضان

ملوخيه / لحمة / رز / شوربه

مكرونة / فراخ في الفرن / كول سلو

رز / سمك بالصلصه / سلطة

فول بالبيض المسلوق / بطاطس بالبقدونس / بف باستري أي حشوة

مكرونة / لحمة بالبصل و الجزر / فرايز

مكرونة بالبشامل / بطاطس بوريه

ارز / خضار سوتيه / رولات الفراخ بالموزيرللا

كفته سمك / رز / سلطة

فراخ بالبصل / رز بالشيعريه / فاصوليا خضرا.

فته / لحمة / رز / سلطة زبادي

مكرونة / كفته بالخضار قالب / فرايز.

مقلوبه لحمة / زبادي.

مكرونة / دبابيس مشويه علي الجريل / فرايز.

اسباجيتي / كرات اللحم / كول سلو

سمك مشوي / رز / سلطة خضرا / سلطة بابا غنوج

مكرونة / بفتيك / سلطة ذرة بالجزر.

اسباجيتي / بولونيز / فرايز.

ملوخيه / بانيه / محشي.

باذنجان بشامل / مكرونة / سلطة زبادي.

سمك بالصلصه / رز / سلطة خضرا.

مكرونة / كفته فراخ / فرايز

جبنة قريش بالطماطم / فول بالبيض / بطاطس بالبقدونس.

ارز / بيكاتا لحمة / خضار سوتيه.

فراخ مشويه في الفرن / مكرونة / سلطة الفاصوليا

رز / ناجتس الفراخ / خضار سوتيه.

طاجن باميه باللحمة / رز

مكرونة / كفته بحشو البيتزا/ فرايز

فاصوليا بيضا / رز بالشيعريه / لحمة

رز أصفر / شيش طاووق / فرايز

بيتزا / بطاطس ودجز.

شكشوكه / جلاش بحشو البيتزا / سلطة ذرة

رز صياديه / سبيط مقلي / سلطة خضرا

فطيره الفراخ / مكرونة / كول سلو

كنالوني / بطاطس بيريه /سلطة ذرة

رز بالشيعريه / كفته رز بالبطاطس / سلطة

محشي ورق عنب / بفتيك / سلطة زبادي

رز معمر / ملوخيه / لحمة

حمام محشي / مكرونة / سلطة زبادي

بط محمر / رز بالشيعريه / سمبوسه / خضار سوتيه

ملوخيه / أرانب / رز بالشيعريه

طاجن لسان عصفور بالكفته / جلاش بلمفروم /سلطة بقوليات

سمك فيليه بالكريمة / رز أبيض / سلطة خضرا / فرايز

بطاطس و كوسه محشيه لحمة مفرومة / رز / سلطة

ان شاء الله يعجبكم و كمان ممكن نضيف عليه وجبات تانيه و ده اللي أنا ناويه أعمله و كل يوم ان شاء الله فيه جديد.

أكل الأطفال

أكل الأطفال

السلام عليكم يا قمراات

صباحكم جميل و يا رب دايما يكون خير علينا و عليكم ............ النهارده حنتكلم علي موضوع أكل الأطفال من سن سنتين اللي بعد الفطام يعني .... فيه أمهات كتير بتعاني بتقول ان ولادها مش بياكلوا الأكله الفلانيه .. حأديكي شويه أفكار يا رب تنجح و تنفع معاكي .

1- بالنسبه لمنتجات الألبان: فيه أطفال بتحب الزبادي و فيه أطفال مش بتأكلها ... أنا أولادي بيأكلوا الزبادي بالعسل أو بعملها زي في الصورة كده ...... المهم انهم يأكلوها و اللبن ممكن تعمليه مع فاكهة أو زي البوريو حتجيبي باكو بوريو و تحطي عليه كاكاو و شويه أيس كريم بودر و كوبايه لبن و تضربيهم في الخلاط حيطلعلك أحلي مشروب و حيعجبهم قوي و لو مفيش أيس كريم مفيش مشاكل.. و بالنسبه للجبنة بقه ممكن تدخليها في البيتزا أو معجنات خفيفه أنا بعمل معجنات بعجينة البيتزا و كمان بعجينة الكيزر زي اللي في الصورة و أحشيها جبنة و بتكون مغذيه و مفيده جدا.

akl

akl2

2- بالنسبه للفاكهة و الخضار : فيه أنواع أطفالنا مش بيأكلوها عندي بودي مش كييف موز بس أنا بعملهوله مع الزبادي أو بجيب كوبايه كريم شانتيه أقطع موز صغير و أقلبه مع معلقه من الكريمة بيعجبوه قوي ... و ممكن تعملي سلطة فواكه و تقطعي الفاكهة حتت صغيرة و عليها عصير مانجا و كريمة ( ان شاء الله قريب حأنزلها في الموقع ) ..ممكن تدخليها في الكيك زي كيكه الموز و تكون مغذيه برضه... الخضار لازم يتعودوا يأكلوه سلطة أو حتي مع الرز و ممكن تقطعيه صغير و تعمليه سوتيه جوه قالب الكفته اللي نزلت وصفته حيأكلوه و حيعجبوهم عشان حتت صغيره مش باينه ...... و ممكن تضيفيه للشوربه زي شوربه العدس أنا بحط كوسا مع الخضار أقول منها زياده في القيمة الغذائيه و كمان مش بيأثر علي الطعم .

3- البيض: فيه أطفال مش بتحب البيض من غير سبب كده ... انتي بقه تدخليه في البانكيك ( موجوده وصفته ) أو في الكيك و ممكن تشتري طاسه علي شكل مضحك زي اللي في الصورة دي مش غاليه كنت جايباها ب 10 جنيه بس بطلع شكل البيض حلو و بعمل عيون و فم و بيعجب الأولاد قوي زيزو ملوش في البيض بس بيحبه كده. البيض المسلوق أنا مش بيقدمة زي ما هو لالالا بقطعه بالقطاعه دي عشان الصفار دايما هو اللي عامل مشكله مع الأولاد أخت جوزي ما شاء الله بنتها أكلته بالطريقه دي .

akl4

4- المكسرات : طبعا فيه ولاد مش بيحبوها لو اتقدمت كده مش حتعجبهم ... عندك السوداني تدهني زبده الفول السوداني في سندوتش حتكون حلوة أو مع الحلويات ( قريب حأنزل طريقتها ان شاء الله ) ... الزبيب أنا بعمله مع الرز أو في معجنات حلوة زي اللي في الصورة أو في الكيك طبعا ... مع فطيره التفاح حيكون حلو قوي ... جوز الهند ممكن تعملي بيه بسيمة أو كيكه أو بسكويت أنا عملت بسيمة و حطيت عليها موز زياده في القيمة الغذائيه ولادي أكلوها ما شاء الله عن كل مرة ..

akl3

5- اللحوم: طبعا في ولاد مطلعين عين مامتهم من الموضوع ده فا ممكن تجيبي الفراخ و تعمليها ناجتس أو كفته حتعجبهم قوي ...و مشكله الأولاد مع اللحمة دايما انها تكون ناشفه فالبفتيك حيعجبهم قوي أو حتي الستيك اختاري حتت طريه ليهم زي الموزة أو من الفخده.

6- الأسماك: زي بودي اللي مطلع عيني في السمك و ده علي كبر طبعا فالبديل ممكن سمك فيليه و ممكن كفته السمك حتتأكل و ان شاء الله حتعجبهم .

يا رب أكون أفدتكم و أي استفسار يا قمرات ابعتي اسأليني و ان شاء الله حأفيدك و سلام

بتشتري حاجات البيت ازاي؟

بتشتري حاجات البيت ازاي؟

السلام عليكم

ازيكم يا قمرات ... النهارده حنتكلم عن موضوع مهم و ان شاء الله نسنتفيد كلنا منه و هو ازاي بتشتري حاجات البيت . فيه كام خطوة كده عايزين نعرفهم سوا ... أنا بقالي 3 سنوات بشتري حاجات البيت من الأبره للصاروخ ههههههه ممكن ناس تقول دي خبره قليله بس أنا حأقدم اللي عندي و ان شاء الله يكون فيه افاده للجميع.

بسم الله

1- قبل ما تروحي تيجبي حاجاتك الشهريه نظفي التلاجة و شوفي ايه اللي موجود و ملوش لازمه و ايه اللي ممكن يكون مستخبي هنا و الا هنا ( حصل معايا اني اشتريت حاجة و لما رتبت التلاجة لقيت زيها)

2- اعملي جرد و شوفي ايه اللي ناقص عندك و لو لسه في كميه قليله من أي صنف احسيبيها شوفي حتكفي باقي الشهر أو نص الشهر و كده يعني.

3- امسكي ورقه و قلم و اكتبي حاجاتك بالتفصيل شوفي حتيجبي بالشهر و الا بالأسبوع.

4- اوعي تروحي تتسوقي و انتي جعانه عشان حتيجبي حاجات كتيره ملهاش لازمة .... لو بتروحي الصبح افطري و انزلي حتي تهضمي الفطار ههههههههههههه

5- نراعي و احنا بنشتري الأتي :

أ‌- تاريخ الصلاحيه . و طبعا مش يكون بعيد قوي و نشوف تاريخ الأنتهاء.

ب‌- مكونات الصنف ده لو فيه مواد صناعيه كتير يا ريت نبعد عنه حرصا علي سلامتنا و سلامة أولادنا.

ت‌- الأسعار . نقارن و نشوف لو نفس الجودة طبعا الأقل أوفر.

ث‌- وزن العبوة . عشان ممكن تكون سعرها أرخص بس أقل في الوزن.

6- الأجبان: قارني بين النوع اللي بالسايب و النوع المغلف طبعا من حيث الجوده و السعر و الوزن و كمان لو الحاجة دي بتطول عندك فالأفضل تيجبي المغلف عشان مش حيتفتح و يتعرض للهوا الا ساعه الأستعمال.

7- المجمدات : دايما اشتريها أخر حاجة عشان مش يسيح التلج و يرجع يجمد تاني و خدي بالك مش تأخدي الكيس اللي فيه الحاجة لازقه في بعض معني كده انه كان مجمد و فك و رجع جمد تاني.

8- البقاله: قارني بين الحاجات و شوفي اللي بيريحك أكتر و يكون مناسب هاتيه .... أنا بعمل ايه بالأضافه لحاجات الشهر بجيب كيس صلصله و كيس طحينه و كيس بودنج اللي هيا بجنيه دي و أخليه عندي عشان وقت ما أتزنق في حاجة من دول و صعب أجيب عبوة أستعملها.

9- مواد التنظيف : طبعا دي حسب احتياجك الشهري .

10- المعلبات: خدي بالك مش تأخدي عبوة مضروبه من الجنب أو صلاحيتها قريبه معني كده انها فضلت في الماده الحافظه دي كتير .

11- العطارة: طبعا تكون من مكان مضمون عشان التخزين و اذا استهلاكك فيها قليل احفظيها في التلاجة مش بيحصلها حاجة ماما الله يرحمها كانت لما بنسافر أجازة مصر من الكويت يتحط كل الحبوب و الدقيق في التلاجة عشان مع الحر بيسوس.

12- البرطمانات: خدي بالك و دوسي علي غطا البرطمان من فوق و اتأكدي انه مضغوط و مش بيطلع هوا عشان لو مش كده حتلاقي العبوة فاسده.

عندك عزومة ؟

3ezoma

السلام عليكم و رحمه الله و بركاته

ازيكم النهارده يا قمرات؟ ان شاء الله تكونوا في أحسن حال . النهارده حنتكلم عن موضوع حلو و مهم خصوصا للبنوتات الحلوين اللي لسه حيتجوزوا ان شاء الله..

حنتكلم ازاي نرتب لعزومة.

عندي عزووومة !!! أكيد حتحسي انه عندك هم مش قصدي هم يعني من الناس و الا حاجة و الله قصدي هم التفكير في الأكل و الترتيب و كلنا عايزين كل حاجة تظهر في أجمل صورة ..

بسم الله نبدأ

1- حنجيب أجنده كده نكتب فيها عدد الأفراد و الأطفال طبعا لو فيه .

2- نحدد نوع الأكل : يعني لو فيه حد نباتي أو عنده مريض سكر أو ضغط لازم نراعي ..... نراعي كمان اذا كانوا جايين من سفر أو من بلد تانيه و نوع الأكل بتاعهم يعني مش أعمل أكل ايطالي لناس عمرها ما سمعت عنه ... لازم الأطباق تكون منوعه رئيسيه و سلطات و مقبلات و طبعا لو الجو يسمح نوع شوربه و الحلويات.

3- الجو: طبعا مش نعمل حاجات تقيله و الجو حر موت ههههههه و لا حاجات بتبرد بسرعه و بيكون ملهاش طعم و الدنيا تلج بره .

4- الميزانيه: طبعا لازم نكون حاطين ميزانيه للعزومة دي .... و الميزانيه تكون شامله كل شيئ في العزومة.

5- تكتبي كل طبق و تحته الحاجات اللي حنشتريها للطبق ده و بعد كده تجمعي يعني الخضار و الفاكهة في ورقه واحده عشان حيتجابوا من مكان واحد و البقاله هكذا و كمان اللحوم و الأسماك و الفراخ.

6- تختاري أطباق انتي متمكنه منها مش حتعمليها لأول مرة و لو فيه أنواع جديده ممكن تجربيها قبلها .

7- اختاري حلو مناسب و لو ملهومش في الحلو و انتي عارفه كده استبدليه بالفاكهة .

8- فيه أطباق ممكن تتحضر قبلها بيوم يا ريت تعملي كده عشان مش تعكي نفسك يوم العزومة.

9- أنا بكتب في الأجنده خطوات الأطباق يعني مثلا تحمير أو بشر أو تقطيع و لما أعمل الخطوة دي بشطب عليها عشان أسهل علي نفسي.

10- نيجي للسفرة : أنا بكتب في لسته الأطباق اللي أنا محتاجها و السرفيس اللي حأقدم فيه الأكل و كل حاجه و مكان اللي أنا حاطاها فيه و لما أولادي بيناموا ( طبعا ليله العزومة لازم يناموا بدري ههههههه ) أطلع الحاجات و أرصها فوق بعض و أغطيها بفوطة نضيفه.

11- عندي العزومات بتكون منفصله رجاله لوحدهم و ستات لوحدهم ( تصدقوا أريح مليون مرة علي الأقل أكل برحتي ) فبعمل حسابي في السرفيسات و كوبايات الميه و الشفشق اللي حيتحط فيه ميه لازم يكونوا اتنين و كده يعني .

12- لو العزومة منفصله : أنا بحضر ترمش شاي و كوبايات صغيرة و سكر في صينيه شيك و أحطها في المكان اللي رجاله حيقعدوا فيه عشان لما يخلصوا أكل يكون الشاي جاهز ( أهل جوزي بيحبوا الموضوع ده قوي هههههههه )

13- نيجي بقه للبيت:

1- الحمام ( اعزكم الله ) يتنضف و يتحط صابونة جديده لو الصابونة اللي موجوده صغيرة و فوطة جديده قبل ما يجوا الضيوف و ورق تواليت و لو العزومة فيها أسماك يا ريت يتحط زجاجه برفان أو ميه ورد مخففه .

2- الصالون أو مكان الأستقبال : حيتنضف و لو غرفه مقفوله تتعطر بالبخور الهادي و تتهوا و تتقفل .

3- السفرة : حتترص الأطباق و تحتها المفارش و فوط السفرة تتلف بطريقه حلوة شيك و كمان أنا بحط السرفيسات و هيا فاضيه عشان أظبط أماكنها لما أغرف فيها الأكل و مش أحتاس.

و طبعا مش تنسي نفسك و تحضري حتلبسي ايه من قبلها حاجة حشمة و مريحه و ألادك و جوزك كمان و ان شاء الله حتكون عزومة مفيش أحلي من كده ( دي صورة من سفرتي علي فكرة )

محرك بحث الموقع

أبواب الموقع

السلام عليكم