السلام عليكم يا قمرات
أهلا بيكم في موقع أكله حلوة و ان شاء الله حتلاقوا عندنا كل حاجة حلوة........... حتلاقوا وصفاتنا مختلفه و كلها بالخطوات و كمان مش حتكون مكلفه عشان احنا عارفين الميزانيه . و حتلاقوا كلام كتير عن البهارات و بنستعملها في ايه كمان. و كلام كتير عن الخضار و الفاكهة و معانا البنات الحلوات اللي لسه مش عارفين يعملوا الأكله دي ازاي حنقولهم علي الأساس . و غيره و غيره و ان شاء الله يعجبكم و أكون عند حسن ظنكم ..... الوصفات حتكون من مطبخي و فيه وصفات مشاركة من مطبخ صديقاتي في منتدي عروس اللي عرفني علي أحلي صحبه .... و أي حد شايف انه ممكن يكون عنده اضافه مفيش مانع و ساعتها حنتواصل عن طريقه الايميل.
أحب أشكر جوزي عشان هو اللي صمم الموقع ده و هو كمان صاحب الفكرة من أساسها و دايما بيشجعني و أكيد بودي و زيزو ولادي اللي بيكلوا اللي أنا بعمله هههههههههههه.
أحب أشكر حماتي ربنا يخليها و أخوات جوزي عشان ليهم فضل عليا في اضافه كتيير لمهاراتي في المطبخ و في النهايه يا بنات أحب أهدي الموقع ده لماما الله يرحمها عشان هيا بعد ربنا كان ليها الفضل في اللي أنا وصلتله ده .