بسكويت الشاي

بسكويت الشاي

السلام عليكم يا قمرات

النهارده معنا بسكويت الشاي بمقادير الشيف محمد فوزي حلو و حيعجبكم جدا و سهل كمان

المقادير:

كوب و نص دقيق / كوب الا ربع سكر بودره / فانيلا / بيضه / نص م ص بيكنج بودر / نص كوب زبده بدرجه حراره الغرفه

الطريقه:

1-     حنضرب الزبده و السكر كويس لحد ما تكون هشه زي الكريمه.

2-     نضيف البيضه و الفانيلا و نضرب كويس لحد ما تحتلط تمام.

3-     حننخل الدقيق مع البيكنج بودر و نحطها علي الخليط و نقلب كويس .

4-     حتتكون عجينه طريه نوعا ما نحطها في كيس في التلاجه نص ساعه.

5-     نطلعها و نفردها زي الصوره بين قطعتين نايلون و نفرد بالنشابه.

6-     نقطع الاشكال اللي احنا عايزينها.

7-     نخبزها في فرن متوسط الحراره لحد ما نسنوي و لونها يتغير من تحت و فوق.

8-     نحفظها في علبه محكمه الاغلاق بعد ما تبرد تمام .

9-     تمتعي بطبق بسكويت من صنع ايدك مع كوبايه شاي .

 يا رب تكون عجبتكم