بسكويت بزبده الفول السوداني
السلام عليكم يا قمرات
بسكويت النهارده حلو و خفيف و سهل طعمه لذيذ قوي مع كوبايه لبن
المقادير:
كوب و نص دقيق / نص كوب سكر أبيض / نص كوب سكره بني / نص كوب زبده الفول السوداني / نص كوب زيده سايحه/ بيضه / فانيلاا / نص م ص بيكنج بودر
الطريقه:
1- نضرب الزبده مع السكر انا مكنش عندي سكر بني فا حطيت كوب سكر ابيض و نص م كبيره عسل اسود و ادت نفس المفعول من حيت اللون.
2- نضيف البيضه و الفانيلا.
3- نضيف زبده الفول السوداني.
4- نضيف الدقيق مع البيكنج بودر بعد ما ننخله.
5- نغلقها و نحتفظ بيها في التلاجه لمده 20 دقيقه.
6- نفردها علي كيس نايلون بالنشابه و نشكلها .
7- نخبزها لمده 10 دقايق في فرن متوسط الحراره .
8- نتركها تبرد و بعد كده نزينها حسب الرغبه.
