خبز الصاج

السلام عليكم يا قمرات

معنا خبز الصاج سهل و سريع و حلو مع الشاورما جدا

المقادير:

2 كوب دقيق / 1/2 م بيكنج بودر صغيره / 2 م كبيره زيت / 1/2 م ص ملح / 1/2 الي 3/4 كوبايه ميه دافيه

الطريقه:

1-    حنخلط الدقيق و الببيكنج بودر و الملح .

2-    نضيف الزيت

3-    نضيف الماء في الاول نص كوب و نعجن و نشوف اذا حنحتاج اكتر او لا

4-    نعجنها لمده لا تزيد عن 10 دقايق و نتركها ترتاح 30 دقيقه.

5-    نقسمها ل كور و نبدأ نفردها بالنشابه رفيعه جدا.

6-    نسخن طاسه تيفال و نفرد فيها القرص المفرود ز نتركها تستوي لحد ما تأخد لون و تقلب علي الوجه التاني.

7-    نحتفظ بيها في العياشه او صندوق الخبز لحين استخدامها.

8-    و دي بعد ما حشيتها شاورما.

يا رب تكون عجبتكم

بريوش

السلام عليكم يا قمرات

النهارده معنا خبز البريوش حلو مع المربي و الزبده

المقادير:

2 بيضه / 2 كوب دقيق / 1/3 كوب سكر / 2 م ص خميره / 1 م ص ملح / 1/3 كوب لبن / 1/2 كوب زبده / بيضه للوش/ مربي فراوله / فانيلا

الطريقه:

1-    نخلط الدقيق و الخميره و الملح و السكر سوا

2-    نضيف 2 بيضه و نقلب كويس.

3-    نضيف اللبن و نعجن .

4-    نضيف الزبده قطعه قطعه لحد ما تختلط كويس و تدوب في العجينه.

5-    العجينه حتكون ملزقه شويه حنلمها بالدقيق و نفرد جزء في القالب

6-    نضع مربي زي الصوره.

7-    نضع الجزء التاني علي الوش.

8-    نتركها ساعه و نص تخمر.

9-    ندهن الوش بالبيض و الفانليا.و رش سكر.

10-   نخبزها في فرن حامي مسبقا و علي درجه حراره متوسطه لمده 10 دقايق.

يا رب تكون عجبتكم

معجنات بعجينه العشر دقايق

السلام عليكم يا قمرات

معنا النهارده عجينه العشر دقايق سهله و سريعه و طريه جدا كانها قطن

المقادير :

المرحله الاولي : كوب و نص دقيق / كوب و نص ميه دافيه / م صغيره ملينه خميره / معلقه صغيره مليانه سكر/ نص م ص ملح/ 3 ملاعق صغيره لبن بودره مليانه

المرحله التانيه : كوب الي 2 كوب دقيق / 3 ملاعق كبيره زيت زيتون

الطريقه :

1-    نخلط المكونات في المرحله الاولي و نتركها تخمر لمده 12 دقايق او ربع ساعه .

2-    حترتفع زي ما واضح في الصورة .

3-    نضيف مكونات المرحله التانيه اللي هيا الزيت و نبدأ نضيف الدقيق و نعجنها .

4-    ممكن تحتاج الدقيق كله أو اقل و نلاجظ انها حتكون لازفه في اليد شويه.

5-    نرش دقيق علي الرخام و نفرد العجينه .

6-    نشكلها زي الصور و نمسح الوجه بالبيض و الحليب و نرش سمسم

7-    نخبزها في فرن متوسط الحراره لمده 10 دقايق .

8-    نقدمها ساحنه و تمتعي بأحلي طعم.

يا رب تكون عجبتكم

كيكه مالحة

السلام عليكم يا قمرات

النهارده حنعمل كيكه بس حادقه ... حلوة جدا و خصوصا بعد ما تبرد أحلي من تتأكل سخنة

المقادير:

1 طماطم كبيره متقطعه صغير/ 1 فلفل رومي كبيره متقطعه صغير / 3 م كبيره مشروم متقطع / 3 هوت دوج متقطع شرايح/ 3 بيض / نص كوبايه لبن / 2 كوب دقيق / م ص بيكنج بودر / 2 م كبيره قشطة / جبنة موزاريلا / ملح و فلفل أسمر/ 2 م كبيره زبده لينه

الطريقه:

1-    حنحضر الخضار زي ما واضح في الصورة و لو فيه زيتون أسود حتكون أحلي بس مكنش عندي.

2-    حنضرب البيض مع الفلفل الأسمر .

3-    حنضيف الزبده و نضربها كويس

4-    حنضيف الخضارو القشطة و نقلب باليد.

5-    حننخل الدقيق و البيكنج بودر و نضيفهم و نقلب .

6-    حنضيف ااحليب شويه شويه لحد ما نوصل لقوام لا سائل و لا تقيل.

7-    حنصبها في القالب و نرش عليها جبنه موزاريلا علي الوش كميه مناسبه .

8-    ندخلها فرن متوسط 180 لمده 30 دقيقه.

9-    تتقدم و هي دافيه أو بارده أفضل.

يا رب تكون عجبتكم

خبز الموز

السلام عليكم يا قمرات

النهارده معانا وصفه جميله هيا قريبه من الكيك بس بيكون شكلها قريب من الخبز هيا خيز الموز

المقادير:

2 ك دقيق / ½ م ص بيكينج بودر / ½ ك زبده سايحة / ½ سكر / 2 بيضه / فانيليا / 3 موز مهروس./ ¼ ك حليب ( لبن )

الطريقه:

1-    حنضرب الزبده و السكر لحد ما تبقي زي الكريمه .

2-    حنضيف البيض و الفانيليا و نضربهم سوا.

3-    حنهرس الموز و نضيفه للخلطة .

4-    حننخل الدقيق و البيكنج بودر و نضيفهم و نقلب حتلاقيها محتاجة شويه سائل حنضيف ¼ ك لبن و ممكن تحتاج شويه كمان بس لازم العجينه تكون تقيله شويه.( مش سايله زي الكيكه العاديه )

5-    حنصبها في القالب زي بتاع الباوند كيك و التوست و نخبزها.في الفرن لمده 30 دقيقه أو حسب فرنك.

6-    ممكن نقطع منها شرايح و ندهنها زبده الفول السوداني أو الشيكولاته و نحط عليها حتت موز طعمها حيكون جميل جدا.

يا رب تكون عجبتكم

بيتزا

السلام عليكم يا قمرات

النهارده معانا بيتزا ان شاء الله تعجبكم

المقادير:

½ كيلو دقيق / 1 م خميرة / 2 م ك زيت زيتون / رشه ملح / 1 م سكر / 1م ص عسل نحل / 4 م ص لبن بودرة / رشه زعتر بري / ميه دافيه للعجن.

الطريقه :

1-    حتحطي كل المقادير علي بعض و تبدأي تعجني ممكن تكوني محتاجة ميه زياده.

2-    تحضري الحشو بتاعك .

3-    نسيب العجينة تخمرو يا ريت نحط عليها كيس نايلون قبل ما نحط فوطه عشان تعمل جو من الرطوبه و ده شكلها بعد ما خمرت.

4-    نفرد العجينه في صينيه الخبز لو بتمط معاكي ممكن تفرديها بالنشابه و ترجعي تلفيها علي النشابه و تحطيها علي الصينيه.

5-    تحطي الحشو اللي يعجبك.

6-    تسخني الفرن و تحطيها في الرف اللي في النص و تابعيها تحتاج حسب فرنك من 10 ال 15 دقيقه.

7- لما تخرج الصينيه غطيها بفوطة 5 دقايق قبل التقديم  عشان مش تنشف من الجو.

يا رب تكون عجبتكم