جمبري بانيه * ربيان *
السلام عليكم يا قمرات
النهارده معنا جمبري بانيه ان شاء الله يعجبكم سهل و بسيط
المقادير:
نص كيلو جمبري / كاتشاب / ليمون / ملح / كمون/ ثوم بودره / بابريكا / دقيق للتغطيه
الطريقه:
1- حنغسل الجمبري و ننزع الراس و نسيب أخر حته في الديل عشان الجمبري مش يقوس في القلي.
2- ننظف الجمبري بازاله الخيط الأسود الموجود في سلسله الضهر كما هو موضح في الصورة
3- نحضر التتبيله اللي هيا كاتشاب و ملح و ليمون و كمون و ثوم بودره و بابريكا و ننقع فيها الجمبري لمده لا تقل عن ساعه.
4- نحضر الزيت الغزير و نغلف الجمبري بالدقيق و نقليه لمده لا تزيد عن 5 دقايق
5- نقدمه رز أبيض أو رز بالبسله.
يا رب يكون عجبكم
