اسباجيتي بولونيز

  السلام عليكم 

 النهارده تكمله الملف الايطالي ان شاء الله

 المقادير:

  400 جرام مكرونة اسباجيتي / ربع كيلو مفروم / 2 بصله كبيره مقطعه حتت صغيره قوي /  4 حبات طماطم كبيره / 1 م ك صلصه/ 1 م ك عسل ابيض / ملح و فلفل و زعتر بري و باربريكا  / زيت زيتون / زبده / 1 كوب ماء/ جبنه لتزيين الوجه

 الطريقه:

1-    نحضر حله و نضع فيها 1 م ك زيت زيتون و قطعه زبده .

2-    نضيف البصل و نضع عليه فلفل اسود .

3-    نقلب جيدا و نضيف اللحم المفروم .\

4-    نضيف كوب الماء

5-    نضرب الطماطم  بدون قشر في الخلاط حتي تصبح بيريه و نضيفها علي اللحم.

6-    نضيف الصلصه و البهارات و نقلب و نتركها تغلي علي النار لمده 5 دقائق ثم نضيف العسل.

7-    في أثناء ذلك نسلق المكرونه و نصفيها و نضيح ازبده في الحله و نضيف المكرونة و نقلبها جيدا .

8-    نضع المكرونة في الطبق و نضع اللحم عليها و نرش علي وجهها الجبن التركي او الموزاريلا او البارميزان

 يا رب تكون عجبتكم

الأوزي السوري

السلام عليكم 

معنا اكله سوريه حلوة و سهله و بسيطه .

المقادير :

كوب و نص رز بسمتي / ربع كيلو مفروم / بصله كبيره مفرومة ناعم / نص كوب بسله و جزر / ملح و فلفل و بهارات / زبده و زيت / ورق جلاش او بف باستري او سبرنج رول كبير/ زبده / 2 م ك صنوبر و لوز متقضر

الطريقه:

1-    حنحضر الحله و نضع الزيت و الزبده و نضع البصل و نقلب جيدا و نضع البهارات .

2-    نضع اللحم المفروم و نقلب جيدا و نتركه علي النار مده خمس دقائق .

3-    نضيف البسله و الجزر و نقلب جيدا و نتركها علي نار هادئه لمده 10 دقائق حتي تنضج الخضراوات.

4-    في طاسه نضع زيت و نشوح الصنوبر و اللوز قليلا حتي يأخدا لون خفيف ثم نضيفه للرز

5-    نقلب اللحم مع الرز البسمتي و نضع مقدار الماء و نتركه ينضج.

6-    نحضر الجلاش كما هو موضح في الصوره

7-    نحضر صينيه و ندهنها زبده و نضع الصرر و ندهن الوجه بالزبده.

8-    نضعها في الفرن متوسط الحراره حتي يتحمر القعر و الوجه .

9-    تقدم مع سلطه زبادي بالخيار

يا رب تكون عجبتكم

روتيني بصوص المشروم

ROTINI WITH MUSHROOM

السلام عليكم 

معانا طبق ايطالي طعمه حلو جدا

المقادير:

كيس مكرونة روتيني اللولبية / كوب مشروم / بصله متوسطه مفرومه / 1 كوب كريمه طبخ او كريمه لباني / 2 كوب شوربه فراخ / 1 كوب جبنه تركي او بارميزان مبشوره / 2 م ك دقيق / فلفل اسمر / 1 م ك زيت زيتون / 2 م ك زبده طريه/ بسطرمه قطع صغيره

الطريقه::

1-     حنسلق المكرونة و نتركها علي جنب بعد تصفيتها.

2-     حنحضر الطاسه و نضيف زيت الزيتون و نضع البسطرمه و نحمرها قليلا.

3-     نضعها في طبق و نضيف الزبده و نضيف البصل و نقلب جيدا جتي يدبل .

4-     نضيف الماشروم و نقلب جيدا لمده 5 دقائق.

5-     في حله صغيره نسخن 2 كوب شوربه فراخ او ماي مدوب فيها مكعب مرقه ... و نضيف الكريمه.

6-     نضيف الجبن و الفلفل الاسمر و الدقيق و نقلب جيدا حتي تبدأ في الغليان و تتماسك .

7-     نضيف البقدونس المفروم و المشروم المحمر سابقا. .

8-     نغرف في طبق المكرونة و البسطرمه و عليها صوص الشمروم و تقدم و هيا ساخنه

يا رب تكون عجبتكم

فته سوري بالفراخ

السلام عليكم 

وصفتنا سوري بس حلوة جدا و سريعه كمان.

المقادير : لعمل طبق كما هو موضح في الصوره

صدر فرخه مخلي و مقطع حتت صغيره ./ نص كوب رز بسمتي / بصله متوسطه متقطعه جوانح/ عيش محمص / علبه زبادي 110 جحرام / نصف م ص توم

مفروم ناعم / 2 م ص مايونيز/ ملح و فلفل / 1 م ص سماق / 1 م ك زيت زيتون

تتبيله الفراخ : عصير نصف ليمونه / 2 م كبيره زبادي / نص م ص كاري / ملح و فلفل / ربع م ص بابريكا

الطريقه:

1-    حنحضر حله و نسوي الرز كما هو مكتوب علي العلبه.

2-    حنقطع الخبز و نقليه في زيت غزير و نتركه علي جنب.

3-    حنحضر الصوص و نتركه علي جنب.

4-    حنتبل الدجاج و نتركه علي جنب

5-    حنحضر طاسه و نضع الزيت و نضع البصل و السماق و نقلبه جيدا حتي يدبل.

6-    نضيف الدجاج و نقلب جيدا حتي ينضج.

7-    نحضر الطبق بوضع الارز ثم جزء من الصوص ثم الدجاج ثم الخبز ثم الصوص .

   يا رب تكون عجبتكم

أدنا كباب

Adana kebab

السلام عليكم 

الوصفه النهارده تركي و حلوة جدا فعلا.

المقادير  J

نص كيلو مفروم / بصله مبشوره متوسطه / 1 حبه فلفل أحمر حلو / 1 م كبيره زبده طريه / ملح و فلفل / 1/2 م ص كمون / نص م ص كزبره ناشفه./ 1 م ك زيت زيتون

الطريقه:

1-    حنحضر اللحم و نضيف البصله و الزبده و البهارات .

2-    نعجن المكونات جيدا .

3-    في الخلاط او المضرب اليدوي الكهربائي نقطع الفلفل الاحمر و نقطعها قطع كبيره و نضيف عليها 1 م ك ماء و نضربها الي انا تصبح بيريه.

4-    نخلطها جيدا مع اللحم.

5-    نحضر الكفته كما هو مبين في الصوره

6-    نحضر الطاسه أو الشوايه و نضع الزيت و تضع الكفته و نتركها لمده ربع ساعه حتي تنضح

7-    يا رب تكون عجبتكم

بالنسبه للصوص الابيض .. علبه زبادي 110 جرام / 2 م ص مايونيز / م ص توم مفروم 

تيترازني بالدجاج و البروكلي

Chicken Tetrazzini with Broccoli

السلام عليكم يا قمرات

معانا أكله ايطاليه من ضمن مهرجان الاطباق الايطاليه

المقدادير:

كيس مكرونة أقلام أو فرن 400 جرام / مص كيلو صدور مخليه / كوب مشروم / 1 بصله مبشوره / كوب بسله / 2 فص توم مهروسين / 5 م كبيره زبده / 1/3 كوب دقيق / كوب شوربه فراخ / 1 كوب كريمه طبخ أو لباني / 1/2 كوب جبنه بارميزان أو رومي / 2 م ك بقدونس مفروم / جبنه موزاريلا للوش/ نص كوب بروكلي/ ملح و فلفل

الطريقه:

1-    نحضر حله صغيره و نسلق البسله و البروكلي و نتركهم علي جنب.

2-    نسلق المكرونة .

3-    نحضر طاسه و نضيف 3 ملاعق زبده و نضيف البصل و نقلب جيدا ثم نضيف الالثوم و المشرووم و نقلب جيدا.

4-    نقطع صدور الدجاج قطع صغيره و نضيفيها علي الخليط.

5-    نقلب جيدا و نضيف الملح و الفلفل حتي تنضج الدجاج.

6-    نصبها في طبق و نعود بالطاسه و نضع م زبده و نشوح الخضار المسلوق.

7-    في حله صغيره نضع م زبده و نضيف الكريمه و شوربه الدجاج و الدقيق و نقلب جيدا و نضع ملح و فلفل و عندما يذوب الدقيق و تتماسك نضع الجبن الرومي او البارميزان و ممكن اضافه بعض من الشوربه لتخفيفها.

8-    نضع البقدونس المفروم.

9-    في قالب بايركس او طاجن نضيف المكرونة و الخضار و الدجاج و نقلب جيدا نصب عليها خليط الصلصه البيضا و نقلب جيدا و نبشر الجبنه الموزاريلا علي الوجه.

10-      ندخلها فرن ساخن لمده 10 دقائق و نضعها تحت الشوايه لمده 5 دقائق و تقدم ساخنه

كرسبي ستربس

السلام عليكم 

النهارده عملت كرسبي دجاج ستربس بس حلو جدا و للعيال مخصوص كمان

المقادير:

1/2 كيلو صدور مخليه / ليمونه / ملح / فلفل و كاري و ثوم بودره و فلفل أسمر / بيضه / 2 م كبيره كزبره خضرا مفرومة ناعم / بقسماط للتحمير.

الطريقه:

1-    نقطع قطع الدجاج بالطول قطع طويله و سميكه نوعا ما .

2-    نتبلها بالملح و البهار و عصير الليمون.

3-    نقلب عليها الكزبره الخضرا.

4-    نكسر بيضه و نخلطها جيدا مع قطع الدجاج.

5-    نتبلها في البقسماط و نقليها في الزيت حتي تأخد لون تحمير.

6-    تقدم مع رز و خضار سوتيه

فراخ بالكاري

السلام عليكم 

معانا فراخ بالكاري حلوة جدا حتعجبكم و طريقه أمي الله يرحمها

المقادير:

1 فرخه مقطعه انا استخدمت وراك / علبه زبادي / 1 م ص كاري / ملح و فلفل و بابريكا و صوص صويا و ليمون ./ م صلصه

الطريقه:

1-     1- حنخلط البهارات مع الزبادي و الصاصه جيدا.

2-     حنقطع الفراخ و نغسلها جيدا.

3-     نتبلها و نتركها في الثلاجه مده لا تزيد عن ساعتين .

4-     نحضر الصينيه و نضع فيها الدجاج و ندهن الوجه بقليل من الزيت.

5-     ندخلها فرن ساخن لمده لا تقل عن ساعه الا ربع.

6-     نقدمها مع مكرونة أو أرز

يا رب تكون عجبتكم

ناجتس فراخ

السلام عليكم يا قمرات

معانا طريقه ناجتس الفراخ سهله و مضمونه

المقادير:

2 صدر فراخ مخليه / 2 بيضه / 150 جرام بقسماط / زيت للقلي / دقيق / بيضه للتغطيه / ملح و فلفل و بهارات فراخ و بابريكا/ بقدونس مجفف

الطريقه:

1-    نقطع الفراخ و نضعها في الكبه و نفرمها ناعم.

2-    نضيف البيض و البهارات.

3-    نضيف جزء من البقسماط بما يعادر نص الكميه.

4-    نشكلها نفس شكل الناجتس.

5-    نضعها في الدقيق ثم البيض ثم البقسماط .

6-    نحتفظ بها في القلاجه فتره .

7-    نضع الزيت علي النار و مجرد ما يسخن جيدا نضع قطع الناجتس .

8-    نحمرها علي نار متوسطه , نقدمها مع بطاطس أو مكرونة.

يا رب تكون عجبتكم

أرز بشوربة الجمبري

السلام عليكم

معانا رز بشوربه الجمبري حيعجبكم جدا ان شاء الله

المقادير :

2 كوب رز مصري / ملح / فلفل / 1 م زبده / عدد من رأس الجمبري / بصله مقطعه ارباع / فص توم نقطع / كمون و ملح و فلفل/ ماء/ نص حبه طماطم

الطريقه:

1-    حنحضر الحله و نسيح الزبده و نضيف البصل و التوم و نقلب كويس لحد ما تدبل .

2-    نضيف الجمبري و الملح و الكمون و الفلفل و و نقلب كويس

3-    نضيف الميه و نخليه علي النار مده لا تقل عن 20 دقيقه.

4-    نحضر الحله و نقلب فيها الزبده و نضيف الرز و نقلب .

5-    نصفي الشوربه و نضيفها للشوربه علي حسب معيار الرز و نظبط الملح.

6-    نتركها تغلي و اول ما يتشرب نحط الشياطه و نوطي النار.

7-    نقدمه مع سمك مقلي و سلطه .

يا رب يكون عجبكم

مكرونة بشامل 2

السلام عليكم يا قمرات

دي طريقه جديده للبشامل علي البارد بس روعه اخف كتير من تحمير الدقيق

المقادير:

العصاج : ربع مفروم / بصله كبيره مفرومة ناعم / ملح / فلفل و بهارات و صوص صويا وورشستر صوص و بابريكا ./ 1 م ك زيت

البشامل . 10 م ك دقيق / 6 كوبايات لبن / 1 م ك زبده / ملح و فلفل

مكرونة فرن 400 جرام مسلوقه./ جبنه رومي مبشوره ناعم/ صلصه و فلفل و ملح

الطريقه:

1-    نحضر العصاج .. نحط م ك زيت في الطاسه و نضيف البصل و البهارات و الصوص و الملح و الفلفل و نقلب كويس.

2-    نضيف اللحمه و نقلب كويس و نتركها علي نار هاديه لكمده 15 دقيقه

3-    . بعد ما نسلق المكرونة و نصفيها .. نخضرصلصله و ملح و فلفل و م ك زيت و نقلبهم كويس و نقلب فيهم المكرونة.

4-    نقلب المكرونة و العصاج زي الصوره.

5-    نحط البشامل علي النار و نقلب كويس لحد ما يتقل و يكون قوامه متوسط.

6-    مقلب جزء من البشامل مع المكرونة و نصبه في القالب البايركس و لو صنيه ندهنها قبل ما ننحط الخليط.

7-    نحط باقي البشامل علي الوش و نرش جبنه تركي أو رومي مبشوره .

8-    ندخلها فرن متوسط بحيث انها مش تزيد عن 30 دقيقه.

9-    نتركها 10 دقايق لحد ما تهدي و بعد كده نقدمها

يا رب تكون عجبتكم

سمك سلمون بالكريمة

السلام عليكم

معانا سمك سلمون حلو و حيعجبكم ان شاء الله

المقادير:

نص كيلو سمك / 2 فص توم مفرومين ناعم / 2 م ك كريمه لباني او كريمه طبخ / عصير ليمونه كبيره / ملح و كمون / 1 م كبيره زبده

الطريقه:

1-    نتبل السمك ملح و فلفل و كمون

2-    نسخن الطاسه و نسيح الزبده.

3-    نشوح التوم و نضيف السمك و نقلبه علي الجانب الاخر لحد ما يستوي و يأخد لون تحمير .

4-    نضيف الليمون و نضيف الكريمه و نقلب الصوص و نأخد منه و نصب علي السمك.

5-    نقدمه مع رز ابيض و سلطه

يا رب يكون عجبكم

حواوشي اسكندراني

السلام عليكم يا قمرات

معانا حواوشي اسكندراني بس حلو جدا

المقادير :

العجينه ... نفس عجينه البيتزا موجوده في المخبوزات

الحشو : نص كيلو مفروم / بصله متوسطه / 2 طماطم متوسطه/ فلفل رومي متوسطه / ملح و فلفل و بهارات و صوص صويا و ورشستر صوص

الطريقه:

1-    حنحضر العجينه و نسيبها تخمر.

2-    نحضر الحشو .. نضرب البصل و الطماطم و الفلفل و شويه ميه في الخلاط

3-    نصبه علي اللحمه و نتبلها بالبهارت و الصوص,

4-    نفرد العجينه و نفرش الحشو.

5-    نقفلها زي الصوره و نفردا بايدما كويس في الصينيه بالراحه عشان مش تتفتح.

6-    ندهن الوش زيت و ندخلها فرن متوسط الحراره لمده 10 دقايق او لحد ما تتحمر وش و قعر و نقدمها سخنه مع مخلل .

يا رب تكون عجبتكم

دجاج بالبروكلي و الجبنة و البشامل

السلام عليكم 

الأكله دي كنت اخدتها من الشيف اسامه السيد بس انا زودت عليها البشامل

المقادير:

نص كيلو بانيه شرايح / 300 جرام بروكلي مجمد او فريش مسلوق نص سلق / ملح و فلفل و بهارات و ليمون و صوص صويا و ورشستر صوص / جبنه رومي مبشوره او موزاريلا / عدد

2 كوبايات مقدار بشامل خفيف

الطريقه:

1-     حنتبل البانيه بالبهارت و الليمون.

2-     نحضر الحشو باننا نضيف شويه جبنه و ورده بروكلي من طرف و تانيه من طرف التاني و نلف البانيه و نرصه في القالب زي ما هو موضوح في الصوره.

3-     نحضر البشامل و نصبه علي البانيه و نرش جبنه.

4-     ندخله الفرن متوسط الحراره لمده نص ساعه لحد ما الوش يتحمر.

5-     نقدمه مع المكرونة .

يا رب تكون عجبتكم

دجاج بالخضار في الكيس الحراري

وصفة صحية و شهية و تستحق التجربة

 تم اعادة تصويرها مع بعض الاضافات 

المقادير:

عدد 4 وراك

 3 بطاطس 

2 جزر كبيره 

ملح / فلفل أسود

 كاري / بابريكا

عصير ليمون 

 ملعقة كبيرة كاتشاب

ملعقة كبيرة كزبرة خضراء مفرومة ناعم

نصف ملعقة ثوم مهروس

 زيت

 كيس حراري

الطريقه:

1-    نقطع الخضار كما هو موضح في الصورة  .

2-    نحضر التتبيلة باضافة جميع المكونات و خلطها جيدا .

3-    نتبل الفراخ و الخضار.

4-    نحضر الكيس الحراري في الصينية.

5-    نضيف الخضار و الفراخ و الصوص و نغلقه كما هو موضح في الصورة .

6-    نقص فتحة صغيرة في الكيس للتهوية.

7-    ندخلها فرن سخن لمدة ساعة تحت درجة حرارة متوسطة.

8-    نقدمها مع رز ابيض بالشعرية

يا رب تكون عجبنكم

العجة

السلام عليكم يا قمرات

معنا النهارده العجه المصريه معروفه خفيفه و سهله و حلوة جدا

المقادير :

3 بيضات / نص كوبايه ميه / 3 ملاعق دقيق ك ممسوحه / 1 م ص بيكنج بودر / ملح / فلفل / بصله كبيره مفرومه ناعم / 1 جزره كبيره مبشوره / حزمه بقدونس و حزمه كزبره و حزمه شبت مفرومين / زيت

الطريقه:

1-    حنسخن الطاسه و نحط الزيت و تشوح البصل .

2-    نضيف الجزر و نقلب كويس.

3-    نضيف الملح و الفلفل.

4-    نضيف الخضره و نقلب كويس لمده دقيقه و نطفي النار و نبعدها عن البوتجاز لحد ما تبرد.

5-    في قالب نضيف البيض و الدقيق و الميه و البيكنج بودر و الفلفل و الملح بس ملح مش كتير.

6-    نقلب كويس بالمضرب لحد ما يتجمعوا سوا و الدقيق يدوب.

7-    نصب خليط الخضره عليه و نقلبه معاه كويس.

8-    نضيفه في القالب او طاسه علي النار .

9-    لو في الفرن يكون ساخن جدا و بعد كده نهدي الحراره لمده نحطها علي 180 زي الكيكه نراعي مش نفتح عليها.

10- لو علي النار في طاسه و نحط تحتها الشياطه بتاعه الارز و نغطيها و نسيبها برضه لمده 20 دقيقه لحد ما تستوي و بألف هنا و شفا

يا رب تكون عجبتكم

شيش كباب

السلام عليكم يا قمرات

معنا شيش كباب و كفته مشويه سهله و سريعه

المقادير:

نص كيلو لحمه بتلو / م كبيره صلصه / بابريكا / ملح/ فلفل اسمر / خل / صوص صويا / ورشستر صوص / كبابه صيني / قرفه:/ زيت

الطريقه:

1-    حنقطع اللحمه قطع صغيره بس مش اوي عشان مش تنشف.

2-    نحضر التتبيله نضيف عليها كل اللي فوق .

3-    نتركها في التتبيله لمده من اقل من ساعتين و لو طول الليل افضل جوه التلاجه.

4-    نحضرها في اسياخ الشوي .

5-    نرصها علي الشبكه زي الصوره و نحط ميه في الصينيه اللي تحتها.

6-    نسخن الفرن كويس جدا و ندخلها .

7-    نتركها لمده لا تقل عن نص ساعه و نمسحها كل شويه بالزبده عشان مش تنضف.

8-    نقدمها مع الكفته و الرز تكا موجودين في الموقع.

يا رب تكون عجبتكم

كشري أصفر

السلام عليكم يا قمرات

النهارده فيه كشري أصفر حلو جدا و سهل و بيدفي خاصه في الشتا و هو سخن

المقادير:

2 كوب رز / 1 كوب عدس اصفر / بصله مفرومه / زيت و ماء / ملح و فلفل اسمر / بيض

الطريقه:

1-    حننقع العدس الاصفر لمده ربع ساعه .

2-    حنفرم البصله .

3-    حنحضر الحله و نضيف الزيت و نشوح البصله و نضيف العدس.

4-    نقلب كويس و نضيف الرز و الملح و الفلفل .

5-    نضيف معيار الماء و هو نفس معسار تسويه الرز بدون زياده.

6-    لما الرز يتشرب نجيب كوبايه و نعمل حفر بقعرها و نكسر البيض زي الصوره.

7-    نرش عليه فلفل اسمر و نغطي الحله و نسيبيها علي نار هاديه أو تحتها الشياطه.

8-    نقدمه دافي مع بطاطس محمره و مخلل

يا رب يكون عجبكم

فتة لحمة بالخل و الثوم

‫#‏الفتة_المصرية‬‫#‏نكهة_عربية‬‫#‏مصر‬

( لو شربت من مية النيل لازم ترجع تاني )) هذه مقولة شهيرة تبعث رسائل ود و حب من الشعب المصري لكل زائر لأرض طيبة ... و أنا أٌقول (( لو جربت الفتة المصرية لازم تأكلها تاني و تالت و رابع )) !!

سعيدة جدا باختياري لهذا الشهر في جروب نكهة عربية لأقدم وصفة مصرية أصيلة من بلدي و ترجع أصولها للدولة الفرعونية

فقد كان القدماء المصريون بتقديم الخبز المقطع و بضيفوا اليه مرق اللحوم حتي يتشرب المرق و يصبح طعمه لذيذ و لذلك سميت ( فتة ) .. ولما دخل الأسلام مصر اقتدى المصريين بسنة

رسول الله فى أكل الثريد ودمجوه مع وصفتهم للفته ، واضافوا اليه اضافات مختلفه .

فاختلفت طرق تقديمها من محافظة الي أخري في مصر .. ففي الاسكندرية تقدم بدون اضافة صلصه الطماطم و لكن في محافظات أخري مثل القاهرة و بعض محافظات الوجه البحري تقدم باضافه صلصلة الطماطم ... ولكن يظل الأساس الاهم هو بل الخبز المحمص فى المرق ، واللمسة المصرية فى طشة الخل والثوم

في بعض الاحيان تقدم الفتة مع الكوارع بدلا عن اللحم ... 

يعتبر هذا الطبق وجبة عيد الاضحي الاساسية خاصة أنها تقدم مع لحوم الاضحية ...

المقادير:

نصف كيلو لحمه موزه أو حمرا / 2 كوب رز أبيض / بصله مفرومه ناعمه / 6 فصوص توم كبيره متقطعه شرايح رفيعه./ رغيف خبز مقطع قطع صغيرة و محمص /ملعقة كبيرة زيت نباتي / ملعقة كبيرة زبده / ملعقة كبيرة صلصه طماطم */ ملعقة كبيرة خل ابيض . 

الطريقه:

1- نسلق اللحمه بالطريقة المعتادة و نتركها علي جنب.و نحتفظ بماء السلق .

2- نطبخ الرز كالمعتاد و نتركه علي جنب.

3- نضع الخبز المحمص في طبق التقديم .

4- نضع الزبده على النار و نشوح البصل فيها , نضيف كوب من ماء سلق اللحمه من ثم نضيف الصلصه .

5- نتركها تتسبك على النار حتى يثقل قوامها , و تترك جانبا .

6-نحضر مقلاة و نضع الزيت و نضيف التوم و نشوح لحد ما يأخد لون ثم نضيف نصف كوب من ماء سلق اللحمه و نحرك و من ثم نضيف الخل و نرفعها عن النار . 

7- نسخن الشوربه او المرق (ماء سلق اللحم) الي حد الغليان و نضع منها علي الخبز المحمص حتى يصبح طري .

8- نضيف معلقه كبيره من خليط الثوم و الخل على الخبز الطري و يقلب جيدا .

9- نضيف الارز المطبوخ فوق الخبز في الطبق . 

10- ثم نضيف باقي خليط الثوم و الخل على الوجه و نضع الصلصه في طبق جانبي .

11- نضع اللحمه المحمرة علي الوجه و نقدمها ساخنه .

ملحوظة / اسنخدمت نصف جزرة مبشورة و تعتبر اضافة و ليس أساس في الوصفة

دجاج تكا

السلام عليكم يا قمرات

معنا فراخ تكا حلوة جدا و سهله و أحلي من الجاهز

المقادير:

فرخه مقطعه اربع قطع / عصير ليمون / ملح و فلفل و بابريكا و توم بودره و كاري و جنزبيل بودره و زعتر بري/ كوبايه زبادي / بصله مفرومه / زيت

الطريقه:

1-     حنضف الفراخ و نغسلها كويس .

2-     نحضر التتبيله باضافه كل المحتويات اللي فوق و نقلب كويس .

3-     نتبل الفراخ و نسيبها لمده لا تقل عن ساعه و الافضل من بالليل.

4-     ندهن الشبكه بتاعه الفرن بالزيت و نحط عليها قطع الفراخ .

5-     نكون حاطيم صينيه عشان الميه تنزل عليها و نحط في الصينيه دي ميه تحت الشبكه عشان مش تتحرق.

6-     نسيبيها في الفرن مش أقل من ساعه.

7-     نقدمها مع رز تكا و خبز بوري و توميه و كلهم موجودين في الموقع

يا رب تكون عجبتكم