أعشاش البطاطس بالدجاج

السلام عليكم يا قمر

النهارده معانا وصفه حلوة كمقبلات و مش مكلفه و تتنفع للأطفال .. استوحيتها من الشيف اسامه السيد

المقادير:

1/2 كبلو بطاطس/ صدر فرخه مخلي و سلوق و مقطع حتت / بصله صغيره مبشوره ناعمه / 2 بيضه / 1 م ك بقدونس مفروم ناعم / ملح و فلفل / 1 م ص كمون / 1 م ص كزبره ناشفه / بقسماط و جبنه تركي/ 1 م ك زبده/ بقسماط

الطريقه :

1-    حنقضر البطاطس و نضعها في حله و نتبلها ب ملح و كمون و نسلقها علي النار.

2-    نصفي البطاطس مع ترك قليل من السائل و نهرسها فيه و نضيف الزبده .

3-    نضيف البيض و الدجاج و البقدونس و البصل لخليط البطاطس.

4-    يتبل بالملح و الكمون و الفلفل و الكزبره و يقلب جيدا ثم نضيف م ك بقسماط و نتركه حتي يتماسك قليلا

5-    ممكن تشكيلها علي طريقتين :::: بوضع اعشاش بالملعقه كما هو موضح في الصوره و وضع القليل من الجبنه المبشوره علي الوجه و ادخالها الفرن لمده 15 دقيقه حتي تسيح الجبن.

6-    او تشكيلها علي هيئه كور و تحشي بالجبن و تقفل و تقلي في البيض و البقشماط.

يا رب تكون عجبتكم

فته حمص سوريه

السلام عليكم يا قمرات

معنا طبق سوري علي طريقه الشيف اسمه السيد

المقدادير:

1 كوب حمص مسلوق / 2 كوب زبادي / 1 م ك طحينه / 1 م كبيره صنوبر/ 1 خبز عربي متوسط الحجم ./ 2 فص توم مفروم ناعم / 1 م ك سمنه / ملح و كمون و فلفل و بابريكا

الطريقه:

1-     حنحضر طاسه و نضع فيها الزيت و نضع الحمص و نتبله بالملح و الفلفل و الكمون و نقلبه لمده 5 دقائق .

2-     في وعاء نضع الزبادي و الطحينه و التوم و و يتبل ملح و فلفل و كمون و يقلب جيدا.

3-     نحضر الخبز و نقطعه قطع صغيره و نحمره في الزيت .

4-     نصفيه علي ورق مطبخ.

5-     نحضر طبق و نفرش الخبز و بعدها الحمص و نغطي الحمص يالزبادي .

6-     نسخن1 م سمنه في الطاسه و نصبها فوق الزبادي و نزينها بالليمون و الصنوبر و البابريكا.

7-     تقدم ساخنه و ممكن اضافه لحم مفروم .

بطاطس بالثوم

السلام عليكم يا قمرات

معنا نوع مقبلات حلو و خفيف عرفته من أهل جوزي

المقادير :

3 حبات بطاطس متوسطه / 1 م كبيره توم مفروم / كمون و ملح / زيت / ماء

الطريقه   L

1-    حنقشر البطاطس و نقطعها الي مكعبات .

2-    نضع الكوخمن و الملح و الثوم و الزيت و نقلبها جيدا.

3-    نضعها علي النار و نضع قليل من الماء بحيث يغطي المقدار و نتركها علي نار متوسطه .

4-    نقلبها و اذا احتاجت الي ماء نضيف الي ان تستزي.

ان شاء الله تعجبكم

سيزر سلاد دريسنج

السلام عليكم يا قمرات

معنا تكمله الدريسنج و هو تتبيله سلطه السيزر

المقادير:

1 م ك عصير ليمون / 3/4 م ص مسترده / 3/4 م ص ورشستر صوص / 1 فص توم مفروم ناعم / 1/2 م ص فلفل / 1/4 كوب مايونيز / 1/2 كوب زيت

الطريقه:

1-    حنخلط المقادير اللي فوق سوا ما عدا الزيت .

2-     نستخدم الخلاط او الهاند بلندر و نضيف الزيت خط واحد لحد ما التتبيل تتقل

3-     نحتفظ بيها في التلاجه لحين الاستخدام و يفضل بعدها بيوم. 

يا رب تكون عجبتكم

رانش دريسنج

السلام عليكم يا قمرات

معنا تكمله الدريسنج و هو الرانش روعه ك تتبيله و كمان غموس مع الخضار

المقادير:

1 كوب مايونيز / 1/2 كوب ساور كريم / 1/2 م ص بقدونس مجفف / 1/4 م ص توم بودره / 1/4 م ص بصل بودره / 1/8 م ص ملح و زيها فلفل أسمر

الطريقه:

1-    حنخلط المقادير اللي فوق سوا .

2-     نحتفظ بيها في التلاجه لحين الاستخدام و يفضل استخدامها بعد التحضير بيوم.

يا رب تكون عجبتكم

دريسنج التتبيله الايطاليه

السلام عليكم يا قمرات

النهارده معنا دريسنج التتبيله الايطاليه حلو جدا في السلطه و استخدمته في الفراخ الباربيكيو

المقادير:

1 م كبيره توم بودره / 1 م كبيره بصل بودره / 1 م كبيره سكر/ 2 م كبيره اورغانو / 1 م ص فلفل / 1 م ص ريحان بودره / 1 م ك بقدونس بودره / 1 م ك ملح

للتبيله : 1/4 كوب خل / 2/3 كوب زيت / 2 م كبيره ميه / 2 م كبيره من الخليط اللي فوق.

الطريقه:

1-    حنحضر المقادير اللي فوق و نخلطها و نحتفظ بيها في علبه مقفوله.

2-    لعمل التتبيله للسلطه او الفراخ حنخلط 2 م كبيره من الخليط مع مقادير الزيت و الخل و الميه اللي مكتوبه فوق .

3-    نرج الخليط كويس و نتبل بيه السلطه أو الفراخ.

يا رب تكون عجبتكم

هني و مسطرد دريسنج

السلام عليكم يا قمرات

معانا صوص هو honey and Mustard dressing

المقادير:

3/4 كوب مايونيز / 1/8 كوب مسطرد / 1/4 كوب عسل أبيض

الطريقه :

1-    تخلط المقادير جيدا

2-    نحتفظ بها في برطمان نضيف لحين الاستخدام

3-    نستخدما كصوص للسلطه او غموس مع تندر تشكن و البطاطس المحمره

يا رب تكون عجبتكم

صوص التارتار

السلام عليكم 

معنا صوص التارتار خاص باسي فوود و السمك

المقادير:

1 كوب مايونيز / 2 م كبيره عصر ليمون / 1 م كبيره مخلل خيار مفروم / 1 م ص بصل مفروم ناعم / ملح و فلفل

الطريقه:

1-     حنخلط كل المقادير سوا ونحتفظ بيها في برطمان نضيف .

2-     نستخدمها مع سي فوود و السمك الفليه .

يا رب تكون عجبتكم

ثاوزند ايلاند دريسنج

السلام عليكم يا قمرات

معايا صوص دريسنج سلطات و غموس معروف جدا و الكل بيشتريه من بره بس النهاره حنعمله في البيت

المقادير:

1/2 كوب مايونيز / 2 معلقه كبيره كاتشاب / 1 م كبيره خل / 2 م ص سكر / 2 م ص مخلل مفروم / 1/2 م ص بصل مفروم / 1/8 م ص ملح و فلفل

الطريقه:

1-    حنخلط جميع المكونات دي سوا و نقلبها كويس .

2-    نحتفظ بيها في التلاجه في برطمان نضيف لحين الاستخدام .

3-    تستخدم كدريسنج للسلطه او غموس للفرايز أو تشكين تندر

يا رب تكون عجبتكم

صوص الباربيكيو

السلام عليكم يا قمرات

معنا صوص الباربيكيو روعه و يتعمل بيه الفراخ و خاصه تشيكن ونجز بتاعه بيتزا هت

المقادير:

1 م كبيره زيت / 1/2 بصله متوسطه مفرومة ناعم / 1 نص فص توم مفروم ناعم/ 3/4 كوب كاتشاب / 1/4 كوب خل / 1/8 كوب ورشيستر صوص / 1/6 كوب سكر / 1/4 م صغيره فلفل / فلفل تشيلي حسب الرغبه

الطريقه:

1-    نضع المكونات كلها في حله علي النار و نقلبها كويس.

2-    نتركها علي نار هاديه تتكثف لمده لا تقل عن 15 دقيقه و نقلبها.

3-    نلاحط انها تقلت و بقت متماسكه.

4-    تحفظ لحين الاستخدام في التلاجة.

5-    ممكن نعمل منها تشيكن ونجز أو فراخ زي اللي في الصوره.

مخلل البتنجان

السلام عليكم

طريقة تخليل الباذنجان بالصور خطوة خطوة من مطبخي 

المقادير :

1/2 كيلو بتنجان محشي صغير و رفيع / 5 فصوص ثوم كبيرة / قرن فلفل احمر / ليمونة / 2 م صغيره ملح / 1 م صغيره كمون / شطة حسب الرغبة

الطريقة:

1-     نغسل البتنجان و نزيل راسه و نغطيه بالماء و نسلقه .احتفظي بماء السلق.

2-     نختبر  الرأس و التأكد من النضج بالضغط عليها.

3-     نحضر الحشو حندق التوم و الفلفل سوا و نضيف الليمون و الملح و الكمون و عصير نص ليمونة.

4-     نشق البتنجانة بخفة و نحشي داخله و بين الفتحات و نرصها في علبة بلاستيك.

5-     نحضر قليل من الماء و نعصر عليها نصف الليمونة المتبقية و نغطي بيها البتنجان حتي لا يفسد.

6-     الأفضل تحضيره من قبلها بيوم حتي تختلط النكهات .

7-     احتفظي بيه في التلاجة .

فطيرة الهوت دوج و الدجاج بالخضار

السلام عليكم 

فطيرة مبتكرة تصلح وجبة عشاء أو افطار

المقادير :

شرائح بف باستري / هوت دوج / فلفل رومي / جبنة موزاريلا / بواقي دجاج / مشروم / زبده / كريمة مطبخ أو قشطة زي اللي في الصورة

الطريقه:

1-     نحضر الطاسة و نسيح فيها الزبدة و ننزل بالمشروم نشوحه قليلا و نضيف الفلفل الرومي .

2-     نضع الهوت دوج و من ثم الدجاج .

3-     نضع بالكريمة القشطة كما هو موضح في  الصورة .

4-     نفرد شريحة البف بتستري و نبطن بيها قالب التارت.

5-     نسكب الخليط و نبشر جبنة .

6-     نغطي كما هو موضح .

7-     ندهنه بالبيض و ندخله فرن متوسط الحرارة لمده 15 دقيقة.

8-     نقدم ساخنة مع مكرونة أو سلطات .

بطاطس بيوريه

البطاطس البيوريه طبق شهي غني بالنكهات و القوام الرائع .

المقادير :

3 حبات بطاطس / 3 ملعقة صغيرة لبن بودرة / ملح و كمون / 1 م كبيرة زبدة./ بقسماط مطحون

الطريقه:

1-     نقشر البطاطس و نسلقها .

2-    نسكب الميه المتبقي و نراعي ترك قليل منه .

3-    نضع الزبدة و الملح و الكمون و لبن البودرة علي البطاطس و نهرسها جيدا.

4-    نضعها في قالب و نرش علي الوجه بقسماط مطحون.

5-    ندخلها تحت الشواية تأخد لون .

6-    نقدمها طبق جانبي أو مقبلات.

سلطة بابا غنوج

 السلام عليكم 

سلطة بابا غنوج سلطة شهية و رائعة بجانب   الأسماك و المشاوي و يمكن تقديمها بدون اضافة الطحينة 

 المقادير:

1 عدد باذنجان مشوية / طحينة / ليمون / ملح / كمون / ثوم مفروم ناعم / كزبرة جافة / خل / زيت زيتون

الطريقة :

1-    يتم شي الباذنجان في الفرن أو علي البوتجاز..

2-    يغلف بورق بلاستيك حتي يتم نزع القشر بسهولة.

3-    نزيل جزء من القشر و نفرغ القلب في طبق .

4-    حنضيف ليمون و ملح و كمون و الكزبرة والثوم مع الطحينة.

5-    نقلب جيدا ونضع علي الوجه زيت زيتون و نقدمها.

جلاش بخلطة البيتزا

السلام عليكم 

طريقة عمل الجلاش بخشو مختلف و سهل و يصلح طبق مقبلات أو وجبة عشاء شهية

المقادير :

½ لفة جلاش / جبنة موزاريلا أو شيدر أو تركي / طماطم / سمنة ذائبة / زيتون / بيضة / كوب لبن / ملح و فلفل

الطريقة:

1-     ندهن القالب بالسمنة .

2-     نفرش نصف كمية الجلاش و ندهن بين كل طبقة  و طبقة سمنة أو زبده سايحة.

3-     نضع الطماطم و الزيتون  الجبنة .

4-   نكمل باقي ورق الجلاش.ولا ننسي ندهن بين الطبقات.

5-    حنحضر كوب لبن مضروب بالبيضة و ملح و فلفل و نحطها عليالوجه .

6-    ندخل فرن متوسط لمده 20 دقيقة .

حمص بالطحينة

السلام عليكم 

طبق سلطة الحمص بالطحينة من المطبخ اللبناني طبق مميز جدا كوجبة افطار أو يصلح ساندوتشات المدرسة

المقادير :

¼ كيلو حمص حب / طحينة / ليمون / كمون و ملح / فص ثوم / زيت زيتون

الطريقة :

1-   ينقع الحمص لمدة لا تقل عن 12 ساعة .

2-    يصفي من الماء و يتم اضافة ماء جديد  و نضعه علي النار يتسلق .

3-    لا يتم تحريكه حتي لا يؤدي ذلك الي طول فترة السلق و يتم ازالة الرغاوي البيضاء التي تظهر علي السطح .

4-    عندما ينضح نتركه حتي يبرد و يستحسن أن يتم تقشيره . 

5-    في الكبة نضع الحمص المتقشر و الطحينة و الليمون  و الملح و الكمون و قليل من ماء السلق.

6-   نخلطهم في الكبة و نضيف قليل من الماء اذا احتاج حتي نصل الي  للسمك المطلوب.

7-    نضعه في الطبق أو علبة في التلاجة و نغطيه بزيت زيتون و ممكن قطع طماطم.

8-    يراعي عند وضع الملعقة في العلبة أن تكون جافة تمام من الماء حتي لا يؤدي ذلك الي فساد الحمص

بطاطس كروكيت

السلام عليكم 

وصفة رائعة من البطاطس تقدم كمقبلات أو وجبة خفيفة للاطفال

المقادير:

½ كيلو بطاطس/ بيضة / ملح و فلفل و كمون / لبن / 1 معلقة كبيرة زبدة / دقيق / للتغطية بيض و بقسماط

الطريقة:

1-    نسلق البطاطس في ماء فيها ملح و كمون.

2-    نصفيها من الماء و من ثم  نضيف الزبدة و نقلبها حتي تذوب تماما .

3-    نضيف قليل من  لبن و نهرسها حتي يتكون قوام كريمي و ليس سائل.( أنا استخدمت لبن بودرة )

4-    نضيف البيض و نقلبها .

5-    نبدأ باضافة الدقيق قليلا قليلا حتي تتماسك مع الاحتفاظ بقوامها الكريمي.

6-    نضعها في التلاجة لمده ½ ساعه.

7-    نشكلها كور أو أصابع و نغطيها دقيق بيض ثم بقسماط.

8-    نضعها مرة أخري في الثلاجة لمده ¼ ساعه.

9-    نقليها في زيت غزير و يكون ساخن بصورة جيدة حتي لا يؤدي برودته لتفككها